Skip to main content
Home
Vaarppu
A Tamil poetry magazine

Main navigation

  • கவிஞர்கள்
  • கவிதைகள்
  • விமர்சனங்கள்
  • நேர்காணல்கள்
  • கட்டுரைகள்
User account menu
  • Log in

Breadcrumb

  1. Home

இரத்தம் சொட்ட.. கட்டிலை

- வித்யாசாகர்

இரத்தம் சொட்டச் சொட்ட நனைந்த மண்.. கட்டிலை உடைத்துவிடேன் காமம்

01.
இரத்தம் சொட்டச் சொட்ட நனைந்த மண்
----------------------------------------------
ஹிந்து முஸ்லிம் சண்டை வரலாம்
ஏழை பணக்காரன் முரண் இருக்கலாம்
எழுதப் படிக்காதோர் கூடிப் போகலாம்
எய்ட்ஸ் விகிதாச்சாரம் கூட எகுறிவிடாலம்;

எங்களுக்கு வரும் நீரை வழிமறிக்கலாம்
கிடைக்கும் மின்சாரத்தை கொத்தாகப் பறிக்கலாம்
வளர்ச்சி நிதியை விருப்பத்திற்குக் குறைக்கலாம்
தமிழரின் போராட்டமெனில் தீவிரவாத முத்திரை குத்தலாம்;

பட்டினியில் ஏழைகள் சாகலாம்
பணத்தின்மீதேறி தனிமனிதன் படுத்துறங்கலாம்
லஞ்சத்தை எல்லோருமே வஞ்சமின்றி கேட்கலாம்
மருத்துவம் கல்விக்கூடம் கூட வருமனங்கருதித் திறக்கலாம்

பூகம்பம் வரலாம்
பகையாளி பக்கத்திலிருந்தே போர் தொடுக்கலாம்
சுனாமியோ பெரும்புயலோ திடீரென வீசலாம்; பக்கத்து மாநிலம் கூட
சிரித்துக் கொண்டே அரசியல் பள்ளம் வெட்டலாம்;

விழிப்புணர்வுக் கூட்டத்தை காவலாளிகளே நிறுத்தலாம்
தமிழை அறிந்தே பின்னுக்குத் தள்ளலாம்
ஆபத்தோ அணு உலையோ தமிழகத்தில் திறக்காலாம்
ஏன் பாராளுமன்றத்தில் கூட பாரபட்சத்தைக் காட்டலாம்;

எதுவாயினும் எங்கள் கொடி பறக்கும்
அது இந்தியக் கொடியாகவே இருக்கும்..


02.
கட்டிலை உடைத்துவிடேன் காமம்
-----------------------------------------
விழித்திரைக் கிழித்து
இதயம் கெடுக்குதே காமம்,
பல விளக்குகள் அணைத்து
இருட்டினுள் அடைக்குதே காமம்;

மனத்திரை அகற்றி
மனிதரை நெய்யுது காமம்,
அது மிருகமாய் மாறிட
உள்நின்றுச் சிரிக்குதே காமம்;

விரகத்தில் எரிக்குது
நிர்வாணம் புசிக்குது காமம்,
நிம்மதியை அழிக்குது – தெரிந்தே
குடும்பத்தை யொழிக்குதே காமம்;

காதல் காதல் என்றெல்லாம்
பொய்யினுள் புதையுதே காமம்,
பொழுது விடியவும் அடையவும்
பெண்களைக் கொல்லுதே காமம்;

விதவையை வதைக்குது
வாழ்க்கையைத் தொலைக்குதே காமம்,
முதிர்க்கண்ணி கண்ணனென்று வாலிப
நெருப்பினால் மனிதரைக் கொல்லுதே காமம்;

பிஞ்சு வயதையும்
பார்த்துச் சிரிக்குதே காமம்,
மகளின் பச்சையுடல் பார்த்ததை
அச்சமின்றி மறக்குதே காமம்;

பசிக்குத் தின்றிட பெற்றவளைத்
தேடுமா காமம் ?
பின் பார்ப்பவளை யெல்லாம் பசிக்கு
இரையாக்கினால்பின் பூமியென்னாகுமோ, காமம்?

பத்து வயதுகூட எப்படி
பார்த்ததும் இனிக்குதோ காமம் (?)
ஐயோ பசி பசி என்பாருக்கும்
துணிந்துப் பாதகம் செய்யுதே காமம்;

ச்சீ விட்டகன்று
மானுடமொழியேன் காமம்
பெண்ணவள் மார்பினுள் வழியும்
தாய்மையது போதுமே காமம்;

மனிதரை விலங்கிலிருந்துக் கொஞ்சம்
மனிதற்கே பிரித்துக் கொடேன் காமம்,
பெண்ணுடலை போதையின்றி
இனி நடக்கவிடேன் காமம்..
பிரசுரிக்கப்பட்ட திகதி: 2013-08-29


Join the Vaarppu Community

Log In Register

இவரின் பிற கவிதைகள்'

  • மனிதம் பிறப்பிப்போம். மெல்லக்..
  • அணையா தீபம் - கேணல் கிட்டு
  • காற்றில் கலந்த – ஈழப் புரட்சி
  • சிவதீபனுக்கோர் சபதம் கேள்!
  • கடல் எழுதும்.. ஏனோ இந்த வாழ்க்கை
  • மே - 18, முல்லைவாய்க்கால்.. மேதினம்
  • எனை சுட்டுப் .. விழுங்கித் தொலைத்த
  • சுட்டு எரிந்ததொரு.. முள்ளிவாய்க்கா..
  • சும்மா கிடைத்ததல்ல.. பிணமென்றே
  • வரிசையில் நிற்கிறார்கள்.. செஞ்சோலை
- மேலும்..

புதிய கவிதைகள்

  • இது என் முதல் கொலை.. சாதி மறு
    - வித்யாசாகர்
  • பூனையாகிய நான்…
    - தக்‌ஷிலா
  • ஆகாயம் ஆன்மாவைக் காத்திருக்கும் இரவு
    - எம்.ரிஷான் ஷெரீப்
  • இயைந்த நிலை
    - மௌனன்
  • இளம் விதவையின் சோகம் ...வெயிலோடு
    - சொ.சாந்தி
  • விடைகொடல்
    - ரவி (சுவிஸ்)
  • உன் வரவும் என் மரணமும்..அமைதி
    - மெய்யன் நடராஜ், டோஹா கட்டார்
  • கண்ணீர் துளிகள்
    - ச இரவிச்சந்திரன்
  • குறிப்பேட்டிலிருந்து.. நான் கழுதையாகி
    - மன்னார் அமுதன்
  • எமைப்பார்த்து.. நிற்கிறார் நிலைத்து
    - எம் . ஜெயராமசர்மா
  • ஆத்மாவின் ஒப்பாரி
    - இரா.சி. சுந்தரமயில்
  • சின்ன மகளின் செல்(லா)லக் கனவுகள்
    - த.எலிசபெத், இலங்கை
  • எப்போது என் கோபத்தைக் காட்டுவது?
    - முல்லை அமுதன்
  • யாமிருக்கப் பயமேன்.. மூன்றெழுத்து
    - கலாநிதி தனபாலன்
  • எழுத்துக்கள் இல்லாத புத்தகம்
    - முகில்
  • மராமரங்கள்
    - ருத்ரா
  • வலி நிறைத்துப்போன... வெறுமை
    - அக்மல் ஜஹான்
  • சிலுவை சுமக்கும்... தப்புக்கணக்கு
    - இனியவன்
  • வால் மட்டும்
    - ருத்ரா
  • வைகாசி வலி
    - வதனிநேசன்

Footer

  • கருத்துகள்
  • நூலகம்
  • படமும் வரிகளும்
  • மொழிபெயர்ப்புக் கவிதைகள்
  • Privacy policy
  • Cookie Policy
  • Terms of Use
  • எம்மைப்பற்றி
  • வாசல்
இன்றுவரை 2,867 கவிதைகள் | 671 கவிஞர்கள்
யாதும் ஊரே யாவரும் கேளிர்
© Vaarppu.com, 1998 - 2026. Powered by ExcelGra

Follow us on
Facebook | X | YouTube