உனக்கொரு கேள்வி
உன்
சிரிப்பொலி சத்தம் கேட்டு
இவ்வாண்டின்
சிறந்த இசையமைப்பாளராக
உனைத் தேர்வு செய்துள்ளது
தமிழ்நாடு அரசு
என் இதயத்தைக்
கிழித்துப் போட்டுத்
தலைமறைவான
கொலைக்காரி
உன்
கூந்தல் வாசம் நுகர்ந்து
மூன்றே நிமிடத்தில்
உன் பட்டுக் குஞ்சம்
கவ்வி நின்றது
போலீஸ் மோப்ப நாய்
அயர்க்கும்
அக்னி வெயிலில்
அசைந்தாடி நடந்துவரும்
உன்
நிழலின் குழுமையில்
குளிரால் நடுங்கி நிற்கிறது
குளுகுளு வேம்பு
ஏண்டி
தெரியாமல் தான் கேட்கிறேன்...
பிரம்மன் என்ன உன்
பினாமியா?
ஜான் பீ. பெனடிக்ட்
பிரசுரிக்கப்பட்ட திகதி: 2008-02-03