சாக்கடை....
எனது பேனாமுனையை
சுத்தம் செய்து
பத்திரமாய் எடுத்துச்சென்றேன்..
சமுதாயத்தைச் சாடி
கவி எழுதச் சொன்ன
கவியரங்கத்திற்கு....!
எழுத அரம்பித்த
சற்று வினாடியில்
சாக்கடை வாசம்
அரங்கமெங்கும்...!
அதனால்
எழுந்து வந்தேன்
எழுதச்சொன்ன இடத்திலிருந்து...
ஆனாலும்
சாக்கடை வாசம்மட்டும்-என்
சட்டைப்பையில் ஒட்டியிருந்தது
என் பேனாமுனையை
மீண்டும்-நான்
சுத்தம் செய்யாததால்.
2.
கலப்புத் திருமணம் பற்றி
கருத்தாழத்தோடு
மேடையில் முழங்கிய பெரியார்வாதி....
வீட்டிற்க்கு வந்தும் விடவில்லை
பொறிந்து தள்ளினான்
மகளைப்பார்த்து....
நாமென்ன சாதி...
ஆவனென்ன சாதி...
இந்த கல்யாணம் நடக்காதென்று...
--தென்றல்.இரா.சம்பத்.
ஈரோடு-2
பிரசுரிக்கப்பட்ட திகதி: 2007-11-04