மௌன அதிர்வுகள்
-------------------------
நெஞ்சு அதிர்கிறது
நீர்த்துமிகள் துளிகளாகி
பேரிரைச்சலுடன் ஒலிக்கும்
நயாகராவைப்போல்…
உணர்வுகளுக்குள்
வார்த்தைகள் விலகிப்போகின்றன
சொற்களுக்குள்
உச்சரிப்புக்கள்
சிறைப்பட்டு வலிக்கிறது…
ஏக்கங்களுக்குள்
உடல் வதைந்து
அவஸ்தைப்படுகிறது…
விவாதங்கள் ஆரம்பித்து
போலியாகின்ற உறவுகள்…
இடையிடையே முரண்பாடுகள்
பயங்கரக் கதை சொல்கின்ற பாதைகள்…
அவளின்
பாடலின் மௌனம்
அந்த மூலப் பிரதி
பத்திரமாய் இருக்கிறது வீட்டில்
தேய்ந்து அழிகிறது உடல்
அடிவாரத்தில் ஆவியாகின்ற தோல்விகள்
மனதின் காயத்துள்
சுவாசம் வெப்பமாகிறது
கசிகிறது உதிரம்
மனதின் சித்திரவதைகளில்
சிறை மீண்டு
பொழுதுகளை தாலாட்ட
தெரியவில்லை அவளுக்கு
காற்று மழை
இரவு பகல்
இவைகளுக்கு இயற்கையான இடைவேளை ஆனால்
அவளுக்கோ
தூரத்தில் ஒரு காத்திருப்பு…
பிரசுரிக்கப்பட்ட திகதி: 2010-07-14